不得不轉貼，好正!!!真係你睇我膠，我睇你仲膠~

大家可以睇睇下面條link同埋個個人寫既野~

http://hk.myblog.yahoo.com/star-club/article?mid=127

睇完《八十後的聲音》，就知咩叫「膠」。.網誌分類：未分類 | .網誌日期：2009-12-21 09:10
睇完《鏗鏘集》既《八十後的聲音》，有以下想講。

首先，就係覺得D八十後既年青人簡直不可理喻。

政府主要既收入來源係企業所得稅同賣地收入。一個資本家，一個地產商開發商每年對政府財政收入既貢獻係以十億計。班八十後既後生仔，每年交幾多稅？頂多咪幾萬銀。一個資本家對社會既貢獻，係一個八十後年輕人既幾十萬倍。點解資本家既發言權要同八十後既人既意見受到同樣對待？咁樣對資本家公平咩？咁樣對資本家唔係最大既剝削咩？年輕人唔想被資本家剝削既同時，卻想掉返轉頭剝削資本家？如果係咁，佢地有D咩咁直得我地支持？

唔係有資本家存在，呢個世界有咁多工俾班後生仔打？唔係有地產商起樓，佢地屋企有屋住？唔係有資本家搞化妝品美容生意，佢地條女會咁索咩？唔係有資本家賣安全套，你地班後生仔扑野可以扑得咁安心咩？唔係有商人搞餐廳，佢地有飯食？唔係有資本家每年納咁多稅，政府有錢資助你班八十後入大學讀屎片咩？

既然資本家係對社會既貢獻最大，官商勾結先係社會最公平既制度。

我睇完班八十後既後生仔講野，我真係更加唔相信民主。They sound like uneducated kids! 如果社會事無大小俾果班無知八十後有份投票決定，有份決定我既前途，香港既前途真係唔敢想象。